22 މާޗް 2007 ވަނަދުވަހު ތިނަދޫ އަށް ފުލުހުން އަރައި ހިންގި ޖަރީމާތަކުގެ އުސްއަލިތައް

މައުމޫން ތިނަދޫއަށް ވަޑައިގަން ނަވަން އުޅުއްވާ ޚަބަރު ލިބުމާއެކު ގދ.ތިނަދޫގައި ތިބި އެމްޑީޕީގެ މެންބަރުންނާއި މިނިވަންކަމަށް ލޯބިކުރާއެންމެހައި ފަރާތްތަކުން އޭނާގެ އިސްތުފާއަށް ގޮވުމަށް ތައްޔާރުވަމުން ދިޔައެވެ. އެގޮތުން އެމްޑީޕީ އޮފީހުގައި ތަފާތު ބައްދަލުވުންތައް ބާއްވަމުން ދިޔައެވެ. އަދި ރަށުގެ ރައްޔިތުންއެކިސަރަހައްދުތަކުގައި މަޝަވަރާކުރުންތައް ބާވަމުންދިޔައެވެ. މިކަމާގުޅިގެން ރަށުގެ ރަށުގެ ރައްޔިތުން ވަރަށްބޮޑަށް އެކަތިގަނޑަކަށްވެ،ޤައުމީޖޯޝާއި ފޯރީގައި ރައީސްމައުމޫނަށް އަޑުއިއްވަންވެގެން ތަފާތު ބެނާތަކާއި، އަޑުގަދަކުރުމުގެ ވަސީލަތްތައްހޯދައި ފަރިތަކުރަންފެށިއެވެ. މިއީ ޤާނޫން އަސާސީގެ 26 ވަނަމާއްދާގެ ދަށުން ރައްޔިތުންނަށް ލިބިދޭ ހައްގެއްކަން އެނގިތިބެ އޭގެ ބޭނުން ފުރިހަމަގޮތުގައި ކުރުމަށް ކުރިކަމެއް ވެސްމެއެވެ.
އެހެންނަމަވެސް ދިވެހިރާއްޖޭގެ ސަލާމަތީ ބާރުތަކުން ބަރުހަތިޔާރާއެކު، 21 މާޗް 2007 ދުވަހުގެ ރޭ ދަންވަރުގެ ވަގުތެއްގައި ތިނަދޫއަށް އަރައި، ޝުއޫރުފާޅުކުރުމުގެ މިނިވަންކަމާދެކޮޅަށް ހިންގާފައިވާ އަސްކަރީ ހަރަކާތުގެ ސަބަބުން ތިނަދޫގެ ރައްޔިތުންނަށް ޚާއްސަކޮށް ކުޑަކުދީންނަށާއި ނިކަމެތި އަންހެނުންނަށް ނަފަސާނީގޮތުން ވަރަށް ބޮޑެތި ގެއްލުންތައްލިބިފައިވެއެވެ.
ތިނަދޫއަށް ސަލާމަތީ ބާރުތަކުން އޭކޭ 47 ގެބަޑިއާއި ފިސްތޯލައާއި، ގޮވާތަކެއްޗާއި،ކަރަންޓްމުގުރާއި، ބިޑިއާއި އެހެނިހެން ހަތިޔާރާއެކު 900 އަސްކަރީ ސިފައިންނާއި، 1200 ފުލުހުންނާއި ތިނަދޫއަށް ގަދަކަމުންއަރައި ކާފިއު ހިންގުމަށްފަހު މީސްމީހުންގެ ގޯތިގެދޮރަށްވަދެ ކުޑަކުދީންނާއި އަންހެނުން ނިދާފައި ތިއްބާ ގޭގޭގެ ފުރާޅުމައްޗަށާއި، ގޭތެރެއަށްވަދެ އަދި މީސްމީހުންގެ އެތައްމިލިޔަންރުފިޔާގެ އަގުހުރި މަސްދޯނިފަހަރަށްއެމީހުންގެ އިޒްނަނެތިއަރައި، މީހުންގެ މުދާ ފޭރި ގެންފައިވެއެވެ.
މިހެންކަމުން ހަތިޔާރެއްނެތް މަދަނީންނާއި ދެކޮޅަށް ސިފައިންނާއި ފުލުހުން ހިންގި އިންސާނިއްޔަތާއި ޚިލާފް ވަރަށްބޮޑު ޖަރީމާއެކެވެ. ރައީސްމައުމޫން ގަދަކަމުން ތިނަދޫއަށް އެރުމަށްޓަކައި ދިވެހިރައްޔިތުން ބިރުގެންނެވުމަށް ދިވެހިސިފައިންނާއި ފުލުހުންލައްވާ މިހިންގި އަސްކަރީ އޮޕަރޭޝަނުގައި، އަސްކަރީ އެތައް އުޅަނދުގެ އިތުރުން މަދަނީ އުދުހުންތަކުގައި ބޭނުންކުރާ މަތިންދާބޯޓު ބޭނުންކުރިއެވެ. އަދި އިންޑިޔާސަރުކާރުން ދިވެހިރާއްޖެއަށް ހަދިޔާކުރި މަނަވަރުވެސް މިއޮޕަރޭޝަނުގައި ބޭނުންކުރިއެވެ.
މިއޮޕަރޭޝަނުގައި އެންމެ އަސަރުކުރުވި މަންޒަރަކީ މަސްދޯންޏެއްގައި ހުރިތަކެތި ފޭރުމަށް ސިފައިންގެ މީހަކު ދޯނިތެރެއަށް އަރައިގެން އުޅެނިކޮށް 20ފޫޓު ފުން ވަތަކަށް ވެއްޓި ވަރަށްބޮޑަށް އަނިޔާވެ އެމީހާގެ އަރިކަށިން ހަތަރުކަށި ބިންދައިގެންދިއުމުގެ ހިތާމަވެރި އަސަރުކުރުވަނިވި މަންޒަރެވެ. މިއީ ކަނޑައެޅިގެން މައުމޫން އިންސާނުންއަޅުވެތިކުރުމަށް ހިންގާ ޕްރޮގްރާމްގެ ތެރެއިން ކުރުވާ ނޭއްގާނީ ހަޑިހުތުރު އަމަލެވެ.
މިއަސްކަރީ އޮޕަރޭޝަނުގައި ސިފައިންނާއި ފުލުހުން ތިނަދޫރައްޔިތުންގެ ޝުއޫރު ފާޅުކޮށްފައިވާ 473 ބެނާ ރާއްޖޭގެ ޤާނޫންއަސާސީއާޚިލާފަށް ފޭރިގެންފައިވެއެވެ. އަދި މައުމޫނު ތިނަދޫއަށް ގަދަކަމުން އެރުމަށްޓަކައި ،ތިނަދޫގެ ރައްޔިތުންގެ އެއަވެސް ތަރުހީބެއް ނުލިބުމުން ތިނަދޫގައި ހުރި ސްކޫލްތަކުގެ ކިޔެވުން ބަންދުކޮށްތުއްތު ކުދީން ކިޔެވުމުން މަހުރޫމް ކޮށްލާ ބެލެނިވެރީންނާއި ސްކޫލް ކުދީން ނަށް ބިރުދައްކައި އެކުދިން ނާއި އެކުދީންގެ މައިން ބަފައިން ގަދަކަމުން އަތިރިމައްޗަށް ގެނެސް އެތައް ގަޑިއިރަކު އަވީގައި ބައިތިއްބައިގެން ސިޔާސީ ހަރަކާތުގައި ބައިވެރިކޮށް ޑީއާރުޕީގެ ދިދަތައް ދީގެން ކުޑަކުދީން ސިޔާސީ ހަރަކާތުގައި ބައިވެރިކޮށްފައިވެއެވެ. އެކުދީން އަތިރިމައްޗަށް ގެންދިޔައީ ފުރަތަމަޓާމް ޓެސްޓު ހެދުމަށް ތައްޔާރުވެފައިވަނިކޮށެވެ. އެޑިއުކޭޝަންމިނިސްޓްރީން އަންގާފައިވާކަމަށް ބުނެ ސްކޫލުން ކުދީންނާއި ބެލެނިވެރީންނަށް އެންގީ އެދުވަހު ރައީސްގެ އިސްތިގުބާލަށް ފާލަންދޮށަށް ނު ނުކުމެއްޖެނަމަ ޓެސްޓުގައި ބައިވެރި ނުވެވޭނެކަމަށެވެ.
22މާޗް 2007 ވަނަދުވަހު މައުމޫނުވަޑައިގެންނެވިއިރު ތިނަދޫ ފަޅުތެރެއިންނާއި ތިނަދޫ ގެ ހުރިހާހިސާބަކުންވެސް ދިޔައީއޭނާގެ އިސްތިއުފާއަށް ގޮވަމުންނެވެ. ފާހަގަކޮށްލެވުނު އެއްކަމަކީ ތިނަދޫ އިރުމަތީފަރާތު ފަރުކައިރީގައި ހިއްކާފައިއޮތް ކުޑަރަށެއްކަމަށްވާ ކޮންނަހުއްޓާ ގައިވެސް މައުމޫނުގެ އިސްތިއުފާ ގޮވާފައިވާކަލަމެވެ. އެއީ މައުމޫނު ނެރުން ވަދެގެން އައިއިރު ވަރަށް ރީއްޗަށް ފެނިގެންދާނެމަންޒަރެކެވެ.
ތިނަދޫއަށް މައުމޫނު ފައިބައިވަޑައިގަތުމާއެކު އިސްތިއުފާގެއަޑުން މުޅިރަށް ގުގުމާލިއެވެ. އަދި ގަދައަޑުފައްގަނޑުގެ ސަބަބުން މައުމޫނުގެ މޫނުމަތީގެ ކުލަވަރު ބަދަލުވެގެންދިޔަމަންޒަރު ވަރަށް ރީއްޗަށް ފެނިގެންދިޔައެވެ. އެހެންކަމުން ޑީއާރުޕީގެ ބައެއް މެންބަރުންނަށް މިމަންޒަރުބަލަން ކެތްނުކުރެވިގެން ،އަވަހަށް މައުމޫނު ޒިންދަބާދޭ ކިޔާގޮވަންފެށިއެވެ. އެހެންނަމަވެސް އެއަޑު ތިނަދޫފަސްގަނޑުގައި ގަދަވާގޮތެއް ނުވިއެވެ. އެތަނަށް ގޮސްތިބި ސްކޫލް ކުދީންނާއި ބެލެނިވެރީންވެސް ވެސް ގޮވަމުން ދިޔައީ" މައުމޫނު އިސްތިއުފާ މައުމޫނުއިސްތިއުފާ" މިހެންނެވެ.
މިހާރަކަށް އައިސް ރައީސް މައުމޫނު ރާއްޖެތެރެއަށް ކުރާ ދަތުރުތަކުގައި އޭނާ ގެންގުޅޭ ޚިޔާނާތްތެރި ބައިގަނޑު ރާއްޖެތެރޭގެ ރަށްރަށަށްދާއިރު ރާއްޖެތެރޭގެ ރައްޔިތުންގެ ޝުއޫރު ފާޅުކުރަން އުޅުމުން އޭނަޔާއެކީ ދަތުރުކުރާ ޑީއާރު ޕީގެ ބައިގަނޑު އެކަން ހުއްޓުވުމަށް މަސައްކަތްކުރެއެވެ.އެހެންނަމަވެސް އެކަމެއް އެއްވެސް ރަށަކުން ކާމިޔާބެއް ނުވެއެވެ. މިހެންވާންޖެހޭ އެތައް ސަބަބެއް އެބައޮތެވެ. އެއީ ހުވަދުއަތޮޅަށް ބެލިކަމުގައިވިޔަސް މައުމޫނުގެ ޚުދުމުޚްތާރު ވެރިކަމުގެ ސަބަބުން ހުވަދުއަތޮޅުރައްޔިތުން ވަނީ އިގްތިސާދީ ގޮތުން ވަރަށް ނިކަމެތި ހާލަތަކަށް ވެއްޓިފައެވެ. ރައްޔިތުންނަށް އާމްދަނީ ލިބޭނެ އެއްވެސް ވަސީލަތެއް އަތޮޅުގައި ގާއިމް ކުރެވިފައި ނެތުމުން އަތޮޅުގެ ގިނައާއިލާތައްވަނީ ބަނޑަށް ޖެހިފައެވެ.ދިރިއުޅުމުގެ ޒަރޫރީ ބޭނުންތައް ހަމަޖެއްސުމަށް ސަލާންޖެހުމަށް ވަނީ މަޖްބޫރުވެފައެވެ. މިކަން މިހެން ދިމާވާން ޖެހުނީ މައުމޫނުގެ ސަރުކާރުގެ އިގްތިސާދީސިޔާސަތު ދޯދިޔާވުމުގެ ސަބަބުންނެވެ. ރައްޔިތުންނަށް އާމްދަނީ ލިބޭނެ އެއްވެސް މަގެއް ނެތުމުންނެވެ. އިޤްތިސާދުގެ ރަންބިސްއަޅާކުކުޅު ޓޫރިޒަމް ގެ އެއްވެސް ކަމެއް 29 އަހަރުވީއިރު ހުވަދޫއަތޮޅަށް ފޯރުކޮށްދިނިމަށް ސަރުކާރުން ވަނީ ނުކުޅެދިފައެވެ. ހުވަދޫ އަތޮޅު ރައްޔިތުން އާމްދަނީ ހޯދުމަށް ޒަމާނުއްސުރ ކުރަމުން އައި މަސައްކަތަކީ މަސްވެރިކަން ކަމަށް ވުމާއެކު މައުމޫނުގެ 28 އަހަރު ބޭނިމަހުގެ 75ޕަސެންޓްމަސް ވިއްކޭނެ ގޮތެއް ނެތިގެން ކަނޑަށް އަޅާލަން ޖެހުމުގެ ސަބަބުން މަސްވެރިކަމުން ލިބެންޖެހޭ އާމްދަނީ ވަނީ ނުލިބިފައެވެ.
އިބްރާހީމް ނާސިރުގެ ވެރިކަމުގައި މިއަތޮޅުގެ ރައްޔިތުންނަށް ސަރުކާރުން ދީފައިވާ އަނިޔާގެ ބަދަލް ދިނުމަށް ރައްޔިތުންގެ މަޖިލީހުން ފާސްކޮށްފައިވާ ޤަރާރަށް މައުމޫނު އެއްވެސް ކަމެއް ކޮށްދީފައިނުވާކަން ތިނަދޫރައްޔިތުން ވަރަށް އަސަރާއެކު ފާހަގަކުރެއެވެ. އަތޮޅުން އެކަށީގެންވާ ރަނގަޅުތައުލީމެއް ލިބޭކަށް ނެތެވެ. އިމާރާތެއް އަޅައި ނަންބޯޑެއް ހަރުކޮށްފައި ސްކޫލްތަކެއް ހުއްޓަސް މަތީތައުލީމަށް ކިޔެވޭވަރަށް އެއްވެސް ކުއްޖަކު ފާހެއް ނުވެއެވެ.ހުވަދޫ އަތޮޅު ރައްޔިތުންނަކީ ދަރީންނަށް ތައުލީމްދިނުމަށް ވަރަށްބޮޑެތި ޤުރުބާނީ ތަކެއް ވަމުންދާބައެކެވެ. ނަމަވެސް މިއަނިޔާވެރި ސަރުކާރުން އެކަށީގެންވާ ތައުލީމެއް ދެވޭނެގޮތެއް ވަނީ ހަމަޖައްސާނުދީފައެވެ. ޤައުމުގެ އެހެން ޒުވާނުންނެކޭ އެއްގޮތަށް މިއަތޮޅުގެ ޒުވާނުންވެސް ވަނީ މަސްތުވާތަކެތީގެ ވަބާގައި ޖެހިފައެވެ. އެއްވެސް މަސައްކަތެއް ދަސްކުރެވޭނެ ގޮތެއްނެތުމުން އަދާކުރާނެ ވަޒީފާއެއް ވަނީ ނެތިފައެވެ. އަދި މިހާރު ތިނަދޫގައި ވަނީ ބޯފެންހުސްވެ ފެނަށް ޖެހިފައެވެ. މިއީހަމަގަސްތުގައި ހުވަދުއަތޮޅުރައްޔިތުންނަށް މައުމޫނުގެ ސަރުކާރުން ދީފައިވާ އަނިޔާއެކެވެ. އަތޮޅުގެ އެއްވެް ރަށެއްގައި ފާޚާނާގެ ނިޒާމް ނެތުމުގެ ސަބަބުން ގިނަރަށްރަށުގެ ފެންވަނީ ތަޣައްޔަރުވެފައެވެ. ރައްޔިތުންނަށް ރަނގަޅު ބޭސްފަރުވާ ލިބޭނެގޮތެއްނެތެވެ.
މިކަންތައްތައް މިހެން ހުރުމުގެ ސަބަބުން ތިނަދޫ ރައްޔިތުން ދެކެނީ މައުމޫނު ތިނަދޫއަށް މިކުރިދަތުރަކީ ރައްޔިތންނަށް ޖެއްސުމާއި ފުރައްސާރަކުރުމުގެ ގޮތުނަނާއި، އޭނާގެ ބޮޑާކަމާއި ކިބުރުވެރިކަމާއި އޭނާގެ މުއްސަނދިކަމާއި ،ޝާންޝައުކަތު ކަން ދެއްކުމަށްޓަކައި، ހުވަދޫ އަތޮޅަށް ކުރިދަތުރެއްކަމަށެވެ. އޭނާގެ ކާރު އޭނާދާ ކޮންމެރަށަކަށް ގެންދިޔަގެންދިޔުން މީގެ ހެއްކަކަށް ފުދޭނެއެވެ. މީނާގެ ކާރުގެންދިއުމަށް އެކަނި ކުރިޚަރަޑު މިލިޔަނުން ގުނާލެވޭއިރު ސުނާމީގައި ހާލުގައި ޖެހިފައިވާ އެތައް ރައްޔިތަކު ބަނޑުހައި ހޫނުކަމާއި ބޯހިޔާވަހިކަމެއް ނެތި ތިބިއިރު އެކަމަށް އޭނާއަޅާ ނުލާނުލުމަކީ އޭނާ އިންސާނިއްޔަތު ކަމެއް ނެތްކަމުގެ ހެއްކެކެވެ.