އިއްޔެހެނދުނުކެއްކި ބިސްތަކެއް ހަވީރުކައިގެން، ކާނާވިހަވެގެން ގައްދޫ ސްކޫލްކުދީންތަކެއް އެޑްމިޓްކޮށްފި
2007-04-19

ގދ.ގައްދޫ ސްކޫލްކުދީންތަކެއް ފުޑްޕޮއިސަންގެ ސަބަބުން ގދ.ގައްދޫ ސިއްޙީ މަރުކަޒުގައި އެޑްމިޓްކޮށްފިއެވެ.
ގދ.ގައްދޫ ސިއްޙީ މަރުކަޒާ ހަވާލުވެހުރި އަދީލާ ރަޝީދު ބުނުއްވީ އިއްޔެ ހަވީރު ކާނާ ވިހަވެގެން ސޯޅަކުދީން ގެނައިކަމަށާއި، ތަފާތު ކަންތައްތައް އެކުދީންނަށް ދިމާވެފައިވާކަމަށެވެ.
"ބަނޑަށްތަދުވެ ހޮޑުލެވި އެކަހަލަ ކަންތައްތަކެއް އެކުދީންނަށް ދިމާވެފައިވަނީ . ރޭސޯޅަކުދީން އެޑްމިޓްކުރި " އަދީލާ ބުނުއްވިއެވެ.
ގދ.އަތޮޅުމަދަރަސާއިން ވިދާޅުވީ އެކުދީން އިއްޔެހަވީރު ބިސްކައިފައިވާކަމަށާއި ފަހަރެއްގައި އެއީ އޭގެ ސަބަބުން ދިމާވި ކަމެއްކަމަށްވުމަކީވެސް އެކަށީގެންވާކަމަށެވެ. އަދި އެމަދަރަސާގެ އ.ޕްރިންސިޕަލް ފްރެޑްރިކް ބުނުއްވީ އިއްޔެ ހަވީރު އެއްކުއްޖަކު ދުވެފައި އަިސް މަޑުކޮށްލިތަނާ ހޮޑުލެވުނު ކަމަށާއި،އެތަންބަލާފައި އެހެން ކުއްޖަކުވެސް ހޮޑުލެވުނުކަމަށެވެ. އަދި 16 ކުދީންނަށް އެމައްސަލަ އެއްފަހަރާ ދިމާވާންވީ ކީއްވެތޯ ދެންނެވުމުން ވިދާޅުވީ އެއީ ސިއްހީ ދާއިރާއިން ބައްލަވަން ޖެހޭ ކަމެއް ކަމަށެވެ. ގދ.އަތޮޅު މަދަރަސާގެ ބެލެނިވެރިއަކު ބުނުއްވީ ހެނދުނުކައްކާފައިވާ ކުކުޅުބިސްތަކެއް ކުދީންނަށް ދިނުމުގެ ސަބަބުން އެކުދީން ކާނާވިހަވީކަމަށް ބެލެވޭ ކަމަށެވެ. އަދި އެހުރިހާކުދީންނަށް އެމައްސަލަ އެއްފަހަރާ ދިމާވާންޖެހޭ އެހެންސަބަބެއް ނެތްކަމަށް ވިދާޅުވިއެވެ.