ޚަބަރު
މުންޑޫއަށް ފުލުހުންއަރައި 10 މީހަކަށް ބޮޑެތި އަނިޔާ ތަކެއް ދީފި
21.04.2007
ލ.މުންޑޫ ގައި ސުނާމީ ގެއެޅުމަށް ފްރެންޗް ރެޑްކްރޮސްއާ ހަވާލު ކޮށްފައިވާކަމަށް ބުނަމުންއައިސް އެންމެފަހުން އިއްޔެ އެކަން އެރަށުގައި ނުކުރާގޮތަށް ނިންމާފައި އެރަށުގެ ރައްޔިތުން ގެތެރެއިން 10 މީހަކު ތަޅައި ރޯނާގަންނަވައިފިއެވެ.
ރޭ 8:30 އެހާކަށްހާއިރު ފުލުހުންގެ ތެރެއިން ފަންސާހަކަށްމީހުން އެރަށަށް އަރައި ހިންގި މިޖަރީމާ ތަކުގައި މީހުންގެ ގައިގައި ބޫޓުންނާއި އަޔުން ފުލުހުން ތަޅައި ހަދާފައިވެއެވެ. އަދި ހަޑިހުތުރު ބަހުން ވާހަކަދައްކައި ރައްޔިތުންނަށް ބަވައި ހަދާފައިވެއެވެ.
މިހާދިސާ އެރަށުގައި ހިނގުމުން އެރަށުން މައުލޫމާތު ދިން މުހައްމަދު ބުނީ ފްރެންޗް ރެޑްކްރޮސްގެމީހުންނާ ހަވާލުކޮށްގެން ހަތްދިހަ ދެގަޑިއިރު ތެރޭ ނިންމާނަމޭ ބުނި ގެތަކާއި އެހެނިހެންކަންތައްތައް މިއަދާހަމައަށް އައިއިރުވެސް ނުނިމިވުމާއެކު، މުންޑު ރައްޔިތުން ޔޫއެންއަށް ވެސް ވަނީ ސިޓީ ފޮނުވާފައި ކަމަށެވެ. އެހެްނނަމަވެސް ވަކިހިސާބަކުން ސަރުކާރުން ބުނާ ވާހަކައަކީ މުންޑޫމީހުން މިއަތޮޅު ގަމަށް ބަދަލު ކުރާ ވާހަކަކަމަށާއި، އެހެންނަމަވެސް އެރަށުގެ އެއްވެސް ރައްޔިތަކު ގަމަށްބަދަލުވާން އެދިފައި ނޯންނާނެކަމަށެވެ.
މިހެން ހަމަޖެއްސުމާއެކު ޔޫއެންއިންވެސް ދިން ޖަވާބުގައި ވަނީ މުންޑޫ މީހުން ގަމަށް ބަދަލު ކުރާގޮތަށް ހަމަޖެހިފައިވާކަމަށެވެ.
ދެން ފްރެންޗް ރެޑްކްރޮސް އިން ހާމިދު ކިޔާމީހަކާއި ޒަކަރިއްޔާ އަކާއި އަދި ލޫޒީ ކިޔާ ބޭރު މީހަކު އައިސް ވާހަކަދައްކަމުން ދާތާވެސް އެތައް ދުވަހެއް ވެއްޖެއެވެ.
"އިއްޔެ ބުނެފި މާދަމާ(ހުކުރުދުވަހު) އަންނާނަމޭ. ކިޔާފައި މިއަދު އައިސް ބުނީ މުންޑޫއަކީ އެމީހުންގެ މަސައްކަތުގެ ތެރޭގައި އޮތްރަށެއް ނޫނޭ . " މުހައްމަދު ބޫތުން ވާހަކަދައްކަމުން ބުންޏެވެ.
މިވާހަކަތައް ދިގުލައިގެންގޮސް ހަވީރުސަޔަށް ނިންމާފައި މިރޭވާހަކަތައް ރަށުގެ ރައްޔިތުންނާއި ރެޑްކްރޮސްގެ މީހުންނާއެކު ކުރިއަށް ދަނިކޮށް ކުއްލިއަކަށް ފުލުހުންރަށަށް އަރައި މީހުންގައިގައި ތަޅައި އަނިޔާކޮށް ދިހަމީހަކަށް އަނިޔާދީފައި ހިނގައްޖެއެވެ.
"އަހަރެމެން ބުނިހާވެސް އެއްޗަކީ ހިއުމަންރައިޓްސް ކޮމިޝަނެއް ހުރޭނޫންހޭ މިނިވަންމުސްތަގިއްލު ކޮމިޝަނެއް މައުމޫނު އުފައްދާފައިހުންނަ. އެކޮމިޝަނުގެ މީހެއް ގެނެސް މިމައްސަލަ ބަލައިދޭށޭ" މުހައްމަދު ބުންޏެވެ. އަނިޔާވި ދިހަމީހުންގެ ތެރެއިން 2 މީހުންގެ ހާލު ބޮޑުވެގެން ވަނީ މާބައިދޫ ސިއްހީމަރުކަޒުގައި އެޑްމިޓްކޮށްފައެއެވެ. މީހުން ނަށް އަނިޔާދިން ރަށުގައި ސިއްހީޚިދްމަތެއްވެސް ނެތެވެ.
މުންޑޫއަށް ފުލުހުންއަރައި 10 މީހަކަށް ބޮޑެތި އަނިޔާ ތަކެއް ދީފި
21.04.2007
ލ.މުންޑޫ ގައި ސުނާމީ ގެއެޅުމަށް ފްރެންޗް ރެޑްކްރޮސްއާ ހަވާލު ކޮށްފައިވާކަމަށް ބުނަމުންއައިސް އެންމެފަހުން އިއްޔެ އެކަން އެރަށުގައި ނުކުރާގޮތަށް ނިންމާފައި އެރަށުގެ ރައްޔިތުން ގެތެރެއިން 10 މީހަކު ތަޅައި ރޯނާގަންނަވައިފިއެވެ.
ރޭ 8:30 އެހާކަށްހާއިރު ފުލުހުންގެ ތެރެއިން ފަންސާހަކަށްމީހުން އެރަށަށް އަރައި ހިންގި މިޖަރީމާ ތަކުގައި މީހުންގެ ގައިގައި ބޫޓުންނާއި އަޔުން ފުލުހުން ތަޅައި ހަދާފައިވެއެވެ. އަދި ހަޑިހުތުރު ބަހުން ވާހަކަދައްކައި ރައްޔިތުންނަށް ބަވައި ހަދާފައިވެއެވެ.
މިހާދިސާ އެރަށުގައި ހިނގުމުން އެރަށުން މައުލޫމާތު ދިން މުހައްމަދު ބުނީ ފްރެންޗް ރެޑްކްރޮސްގެމީހުންނާ ހަވާލުކޮށްގެން ހަތްދިހަ ދެގަޑިއިރު ތެރޭ ނިންމާނަމޭ ބުނި ގެތަކާއި އެހެނިހެންކަންތައްތައް މިއަދާހަމައަށް އައިއިރުވެސް ނުނިމިވުމާއެކު، މުންޑު ރައްޔިތުން ޔޫއެންއަށް ވެސް ވަނީ ސިޓީ ފޮނުވާފައި ކަމަށެވެ. އެހެްނނަމަވެސް ވަކިހިސާބަކުން ސަރުކާރުން ބުނާ ވާހަކައަކީ މުންޑޫމީހުން މިއަތޮޅު ގަމަށް ބަދަލު ކުރާ ވާހަކަކަމަށާއި، އެހެންނަމަވެސް އެރަށުގެ އެއްވެސް ރައްޔިތަކު ގަމަށްބަދަލުވާން އެދިފައި ނޯންނާނެކަމަށެވެ.
މިހެން ހަމަޖެއްސުމާއެކު ޔޫއެންއިންވެސް ދިން ޖަވާބުގައި ވަނީ މުންޑޫ މީހުން ގަމަށް ބަދަލު ކުރާގޮތަށް ހަމަޖެހިފައިވާކަމަށެވެ.
ދެން ފްރެންޗް ރެޑްކްރޮސް އިން ހާމިދު ކިޔާމީހަކާއި ޒަކަރިއްޔާ އަކާއި އަދި ލޫޒީ ކިޔާ ބޭރު މީހަކު އައިސް ވާހަކަދައްކަމުން ދާތާވެސް އެތައް ދުވަހެއް ވެއްޖެއެވެ.
"އިއްޔެ ބުނެފި މާދަމާ(ހުކުރުދުވަހު) އަންނާނަމޭ. ކިޔާފައި މިއަދު އައިސް ބުނީ މުންޑޫއަކީ އެމީހުންގެ މަސައްކަތުގެ ތެރޭގައި އޮތްރަށެއް ނޫނޭ . " މުހައްމަދު ބޫތުން ވާހަކަދައްކަމުން ބުންޏެވެ.
މިވާހަކަތައް ދިގުލައިގެންގޮސް ހަވީރުސަޔަށް ނިންމާފައި މިރޭވާހަކަތައް ރަށުގެ ރައްޔިތުންނާއި ރެޑްކްރޮސްގެ މީހުންނާއެކު ކުރިއަށް ދަނިކޮށް ކުއްލިއަކަށް ފުލުހުންރަށަށް އަރައި މީހުންގައިގައި ތަޅައި އަނިޔާކޮށް ދިހަމީހަކަށް އަނިޔާދީފައި ހިނގައްޖެއެވެ.
"އަހަރެމެން ބުނިހާވެސް އެއްޗަކީ ހިއުމަންރައިޓްސް ކޮމިޝަނެއް ހުރޭނޫންހޭ މިނިވަންމުސްތަގިއްލު ކޮމިޝަނެއް މައުމޫނު އުފައްދާފައިހުންނަ. އެކޮމިޝަނުގެ މީހެއް ގެނެސް މިމައްސަލަ ބަލައިދޭށޭ" މުހައްމަދު ބުންޏެވެ. އަނިޔާވި ދިހަމީހުންގެ ތެރެއިން 2 މީހުންގެ ހާލު ބޮޑުވެގެން ވަނީ މާބައިދޫ ސިއްހީމަރުކަޒުގައި އެޑްމިޓްކޮށްފައެއެވެ. މީހުން ނަށް އަނިޔާދިން ރަށުގައި ސިއްހީޚިދްމަތެއްވެސް ނެތެވެ.
